القطيفية وبندر قصه واقعيه روووووعه

بسم الله الرحمــــــــــ الرحيم ــــــم
كاتبت القصة :قطيفيه كول
ا


من هنا سأبدأ قصتي ،،،،،

قصتي انا لن اقول بقلمي لاني سأكون مبالغه فلست ممن يبدع في قلمه ابداً

ولكنني ساكتبها لاني لم اجد مثلها هنا وهناك ،،،،،


ربما حصلت ولكن لم يكتبها احد

اهدي هذه القصه لحبيبتي وصديقتي ومن قدمت لي افضل شي حصل لي : اميرة نجد

وياريتك يااميره ترجعي الي
اي انتقاد اتقبله بالتأكيد بصدر رحب............





زي العاده فطوم يوم الاربعا تعيد لانها بداية اجازة الاسبوع المدرسيه، ترفع ايدها كانها تطير وهي داشه البيت شنطتها ودها ترميها بعييييييييييييد لكن العين بصيره والايد قصيره لو رمتها قريب بيوصل صراخ امها لسابع جار .


فطوم : يمااااااااااااايوه

ام محمد : وجع وش فيش عاد حشى كاني فوق جبل مو بالمطبخ نزلي حسك

فطوم: تيب


فطوم تركض لغرفتها تحمل احلامها الي يمكن تكون اصغر من شنطتها ، بين سريرها وخزانتها مسافة ماتكفي الا انها تمشي فيها اكثر من خطوتين

وبين خزانتها وباب الغرفه مسافة شبرين ، اوقات يكون حلمها انها توسع غرفتها مترين بس

طلعت سجادتها من تحت السرير الحديدي البسيط ورمت كل همومها ووقفت تصلي بهدوء ز انفاسها تملي الغرفه وقلبها الكبير يوسع الدنيا ومافيها

تفكيرها بحلمها انها تكون دكتوره نفسيه تنصح هذيك وتمسح على هذيك وتساعد وبواقعيه تفكر انها بتصير غنيه

_ ياربي متى تمضي هالسنه واخذ نسبه حلوه وادش الي ابيه


صفعات ع الباب

حمود: فطموووووووووووووووووووووووووووه قومي ترا جوعان ومالي خلق انتظر احد ع الغدا

فطوم: تيب جايه


على الغدا الكل ساكت صمت بالسفره احترام للنعمه على قولة ابوهم ، حمود يعفس في السلطه زي عادته



فطوم: يبه

ابو محمد: ابوي هلا وش بغيتي

فطوم : تقدر تشتري لي كمبيوتر

ام محمد : هههههههههههههههههه الله يهديش يابنتي وش كمبيوتره غرفتش ضيقه

امها بالنسبه لها محطمة الاحلام تسخر على كل شي تطلبه او تلبسها او تقترحه

ابو محمد مايقدر يقول لا لفطوم يحسها مكسوره اذا ماقال لا ايه

خلاص يابنتي بشتري لش لاب توب احسن لش عشان غرفتش ضيقه .

فطوم تقلب يمين ويسار على سريرها

- ياويلي لاب توب بكره بقول لريوم وزينب عشان يعلموني على النت

نامت فطوم ذيك الليله ودمعتها على خدها من فرحتها تحس نفسها اخف من الريشه رغم ثقل وزنها

في المدرسه وصلت متأخره معلمة التاريخ تدري بتوقفها برا الفصل لانها تأخرت استغربت من عدم وجود ابله عزيزه في الفصل

زينب : فطوم عزيزه غايبه هههههههههههههههههههه

فطوم : حلفي ابله عزيزه غايبه وي وي اكيد حادث هذي ماتغيب لله

ريوم : سكروا باب الفصل لاتجي ابلة العربي تعطينا نحو

وتقوم الهيصه في الفصل وكانه حفل بسبب غياب ابله عزيزه

فطوم : زينب ابوي قال بيشترب الي لاب توب

نطت عليهم ريوم : لاب توب حلفي قويه والله قويه

فطوم : وربي احس روحي بصيح

زينب: انطمي ياام دميعه

ريوم: على ويش بتصيحي ياحظي

زينب : شوفي اذا اشتراه دقي علي وبعلمش كيف تدشي النت

ريوم : الله بتصيري ويانا في المغامرات يعني

زينب : يآآآآآآآآآآآآآي دوري الش اسم حلو تدخلي فيه الشات

فطوم : شات !!! وشو ذا بعد

ريوم : وجع نزلي صوتش بتفضحينا لا يقولوا جليلن حيا

فطوم : طيب

وبقت فطوم ذاك اليوم بين صديقتينها يعلموها ع النت وكيف تدش ووعدتها زينب تسوي لها ايميل الي اصلا ماتعرف هو عباره عن ايش

امااا ريوم كانت عندها في العصر تبارك لها بالاب توب وفي نفسها تتمنى مثله وتغبطها عليه

فطوم : ياربي قعدي بعد وياي شوي تعشي

ريوم : لا انتي الحين دخلي النت وبشوفش انا وزينب في المسنجر

فطوم : ان شا الله بعد الصلاه

ريوم : اوكي باي

فطوم : مع السلامه ، انتبهي لنفسك


جلست فطوم ع النت وياهم وصاروا يعلموها كل شي ، ومن حسن حظهم انها فطينه وتتعلم بسرعه .


وبدوا مغامراتهم في الشات ولعبهم وضحكهم

فطوم اكتشفت ان في الشات الي هم فيه منتدى وقررت تدخله ،

فطوم : ريوم فيه منتدى في هذا الشات تبعه يعني

ريوم : بشري امش وش اسوي فيه يعني

فطوم : هاه!!!!! مدري بس يعني نتعلم


ريوم : تعلمي لوحدش هههههههههههههههههه


فطوم : تيب .


_____


مبررررررررررررررررررررررروك الف مبروك


فطوم والدموع تغطي نص عيونها : الله يبارك فيكم من جدكم نسبتي 98،80

ريوم : اي يالهبله تقدري تخشي القسم الي تبيه

فطوم قفلت من عند ريوم وركظت لامها وباركت ليها امها ببرود وناطط وياها اخوها حمود وهو مايدري وش السالفه اصلا

دخل ابو محمد

فطوم : يبه اخذت الي ابيه نجحت وربي اخيرا

ابو محمد فرح وعطاها مية ريال وبارك لها

العصر فطوم وهي تسوي السلطه للعشا : يبه القسم الي ابيه مو موجود الا في الرياض

ابوها : وشو رياضه

فطوم : يؤ الرياض العاصمه وشو بعد

ابو محمد: شوفي يافطوم غير الدمام مافيه

فطوم سكتت ماتحب تجادل او تتكلم كثير تعودت تكبت رفضها لكن هالمره غير هذا حلمها

طوم : يبه بس

ابو محمد : رياض لا

كملت فطوم تقطيع السلطه وتعشت بصمت والغبنه في قلبها

دخلت النت تبي تشتكي لصديقاتها لكن مالقت احد

دشت الشات الي تبع المنتدى الي هي فيه وشافت هناك اميرة نجد

فطوم بنك نيم ( باربي ) : يؤ انتي جديده اميره نجد

اميرة نجد : ايوه شاتكم فاضي

باربي: اي تقريبا ههههههههههه

اميرة نجد : ماسلمتي

باربي : اعذريني يااميره السلام عليكم

اميره نجد: وعليكم السلام ، كيفك باربي

باربي: بخير الحمد لله

باربي مالقت نفسها الا تسولف مع اميره عن نفسها وعن حلمها الي تحطم

واميره صارت تفضفض لباربي عن الي في نفسها وكانهم صداقه من زماااااااااااااان اجتمعت احلامهم والامهم وصارت كل وحده تقول للثانيه كل شي عنها يمكن كل وحده فيهم جات للثانيه في الوقت المناسب.

باربي : يلا بقوم انام تعبت

اميرة نجد : بسم الله عليك من التعب ياخيه

باربي : عاتي انا بعد اسميك خيه

اميره نجد : اي ياريت انا وحيدة بين اخواني

باربي : وانا بعد ههههههههههههههههه

اميره نجد : يلا قومي نامي وانتبهي لنفسك زين وريحي بالك وقلبك وصلي على النبي وكل شي من عند الله خير

باربي : اميره ممكن اسالك عن شي

اميرة نجد : اكيد قولي

باربي : انتي من وين ؟؟

اميرة نجد : انا من الرياض ، وانتي من القطيف صح

باربي : يعني انتي

قاطعتها اميره نجد : اي انا سنيه وانتي شيعيه انتي عندك فرق يعني !!

باربي : لا بالعكس احنا احين في اجيال لازم نتقبل بعض ونحب بعض

اميرة نجد : وليش نكره بعض كلنا نبينا واحد

باربي : صح ، وليش نجيب لنفسنا مشاكل احنا غنيين عنها احنا خوات

اميرة نجد : اكيد

باربي : اكيدات

وودعوا بعض هذاك اليوم وكل وحده تحس انها اخيرا لقت صديقه تحس فيها واخت

وكل وحده ماتدري ليش حست بهالاحساس اصلا ............اذا حلوه بتابع لكم

كملي... القصة حلوه

يسلمووووووووو خيو ع المرور
بس انتظر ردود اكثر

،،،،،، بداية انهيار



بدت فطوم واميرة نجد يتواعدوا ويدشوا الشات ويهدروا ومايخلوا شي في قلوبهم الصغيره يمكن .....



باربي : بالله يااميره عمرك حبيتي

اميرة نجد : اي وبقوه

باربي : صدق

اميرة نجد : ايوه وانتي

باربي: لا ولا افكر هههههههههههه

اميرة نجد : ليش عاد

باربي: احس الحب خرابيط بالله عليك اتركينا منه

اميرة نجد : تيب

اميرة نجد دلوعه وغنوجه مره من اسرة غنيه جداً في الرياض وحيده البنات بين اخوانها الصبيان حبت بندر الي عمره 27 سنه من ثلاث سنين وبقى حبهم ولكنها دوم تحس ببرود ، لطيفه وحبوبه لكن فيها من الغرور حبتين

اميرة عمرها 17 سنه ولكن تفكيرها يصغرها لان قليل ماتعاشر الناس هذا كل الي عرفته عنها باربي او فطوم بمعنى اقرب


نامت فطوم بعد ماودعت اميرة نجد وهي مرتاحه منها مره ضحكوا وسولفوا لين تعبوا كل شي كان حلو البارحه

_فاطمه جاوبي ع السؤال
-
_ نعم معلمه

البنات يقهقوا بهبل ويسخروا كالعاده في وقت الفسحه بين الحصص

ريوم : فطومه ماتحسي انك تغيريتي مره

فطوم : في ايش ياحسره وياش انا ماتحركت عشان اتغير

ريوم : احسش تسرحي واجد لايكون تحبي

فطوم : وجع حبتش القراده تادبي

زينب : ويش فيكم

فطوم : تعال لريوم بدت تخربط

ريوم : اقوليها يمكن تحبي بس

فطوم : وبس بعد

زينب : اي اني شكيت بعد انش تحبي

فطوم : لا انتوا اكيد فيكم شي

ريوم وزينب مسكوا فطوم وقعدوها على جنب وسووا وياها قضيه متاكدين انها تحب

فطوم بعد مازهقت من اسئلتهم : اووووووووف ويش فيكم زهقتوني بقوم عنكم حتى الفطور مافطرت

اقتربت بتشتري ليها فطيره ولا تقفلت الكافتيريا وصاحت الصافره اعلان لبدايه الحصه الجديده


فطوم : يااااااااربي جوعانه


في الليل وزي عادتها فطوم قعدت ع النت تنتظر اميرة نجد :

اميرة نجد : هلا وغلا

باربي : تاخرتي وربي خفت عليش مره

اميرة نجد : ياقلبي خيوه فديتك

باربي : خجلتيني

اميرة نجد : وش سويتي اليوم ياخجول
فطوم قالت لاميرة نجد عن الي حصل بينها وبين صديقاتها

اميرة نجد : ياقلبي وبعدين مافطرتي يعني

باربي : لا وربي

اميرة نجد : ياويل قلبي وربي بذبح خوياتك جوعوك

باربي : بسم الله عليهم

اميرة نجد : الا بسم الله عليك انمتي من الجوع

باربي : ههههههههه الله يهداك بس خلاص شبعت ياحظي اكلت وتغديت وتعشيت

اميرة نجد : ادري بس الصباح كنتي جوعانه

باربي : هدي بالك الصباح راح

اميرة نجد : اخر مره تتركين الفطور

باربي : يؤ عادي

اميرة نجد : اذا تغليني ياخيه افطري

باربي : تامرين امر ياقليبي

اميرة نجد : قومي الحين ننام

باربي: يلا قومي ياعيوني

وقاموا ومرت ايام كثيره خلونا بالتجديد نقول سبعة اشهر وعلاقتهم اعظم من اخوات


وجت الاجازه الكبيره اجازة الصيف

اميرة نجد : وربي ودي اروح الشرقيه بدل ماروح لاهلنا في جده

باربي : ياربي والله اني ابي ابكي بتوحشيني مووت

اميرة نجد : لاتقطعين قلبي ياويلي وربي انا الي بموت

باربي: عاد لاتقطعين

اميرة نجد : هاتي رقمك

باربي: طيب سجلي ياقلبي 055...............

اميرة نجد : انا بسجله الحين هنا في المسن احسن عشان لاانساه لين يشتري لي ابوي جوال جديد عن الي انكسر

باربي : طيب

تودعوا وقولبهم على بعض كالعاده

فطوم كل يوم تشيك على جوالها تبي رقم غريب يكون رقم اميرة نجد يدق لكن مرت الاجازه بدون ماتدق

واخيرا ليلة الثلاثاء في يوم خامس عيد الفطر دق رقم غريب مميز رفعت فطوم بسرعه اكيد هذا هو رقم فخم وهو رقم اميرة


فطوم بحماس وبكل ثقه وشوق وبصوت مبحوح من النعس: الووو


مشاعر مختلطه كل شي فيها يصفق وينبض تبي تضم الجوال وتضمها تبي تبوسها وتقولها فقدتك بين البكا والفرح

بين الالم والامل والشوق


ردت فطوم وكان هالرقم بيجيب لها كل شي سعيد كانت تنتظره



فطوم : الووو

_ الو السلام عليكم

فطوم تحطمت : نعم

بندر : مبينك نايمه

فطوم : اي نايمه

بندر : اجل اخليك

فطوم في نفسها (اختل جنبك) : باي

وقفلت

وفي نفس الوقت وفي كل وقت صار يدق هالرقم ومن تقوله نايمه يقفل كيفت وقالت اكيد بيزهق بعد كم يوم على سالفة نايمه ولا بيرجع يدق ولو زودها عن ابو ي رقمه << تفكيرها


دق مره وهي تبكي وواصله حدها

فطوم : اووووووووف نايمه ووجع يوجعك

بندر: وانتي متى صحيتي

فطوم : اسكت يلا باي

بندر : تعرفي اميرة نجد

فطوم انصعقت وقف قلبها كل شي فيها وقف للحظات تحسها مو من عمرها

فطوم : اميرة وش فيها وش صاير ليها وينها

طاحت دموعها غصبا: قولي تكلم وينها ويش فيها

بندر: اسف ازعجتك

فطوم : لاتسوي روحك برستيج خلصني وش فيك وينها اميره

بندر : تزوجت

فطوم: تزوجت !! .... انت متأكد وش تقول ..... اصلا انت مين !!؟؟


بندر سكت للحظات وجاوبها


...................................... يارب اشوف تشجيع اكثر واكمل :0013:

يسلموووووووووووووووووووووووووو

بندر وصوته متغير : اميرة

فطوم: قول تكلم جننتني عساك جنون

بندر : ماتت

فطوم : هههههههههه عساك موت انطم

بندر: اسف لاني انا الي انقلك هالخبر

فطوم : انطم اسكــــــــــــــــت ... اسكت لاتفاول عليها بسم الله عليها وعلى قلبها

بندر: لاتذبحيني بكلامك ياريت قلبي الي وقف ولا قلبها

فطوم : انت .... انت اكيد مجنون

بندر: انا بتجنن والله

فطوم : آآآآآآآآآآآآه ... آآآه

رمت نفسها على الارض وصفعت براسها على الكومدينه ، حست بجسمها تمشي فيه قشعريره مخيفه . تمنت الموت في لحظتها ماتت اليوم اكثر وحده فهمتها وريحتها

شهقت ومع شهقاتها طاحت دموع عينها غصبا عنها وبدون ماتحس فيها ، مشلول كل جزء فيها حتى قلبها انقبض

بندر: ارجوك ، يكفي

قفلت فطوم الخط ورمت راسها بثقل على الارض ماتدري هي ميته ولا حيه ماتدري قلبها ينبض ولا وقف خلاص ، ماتحس الا بشي كبير ثقيل عليها وعلى قلبها ...... اصلا ماكانت تدري هي وش احساسها ظلت دموعها تسيح من عيونها وغمضت عيونها تتمنى لو كل الي صار من اول هالليله حلم

حلم مخيف وبتصحى منه وبتحمد ربها كثير لان حلم ، فتحت عيونها وهي تقول في داخلها بثقه ( لازم ..اي لازم اصلي ركعتين شكر لله لان الي كنت فيه حلم ، بسم الله على امورتي الموت في الحلم يعني طولت عمر )، مسكت جوال وشافت اخر رقم كان رقم غريب ( اي هذا هو الرقم الغريب( ياويلي ياربي)
فتحت رساله كانت جايتها وفي نسها الف شي وشي تقراها بداخلها تقرا حروفها ثقيله
الرساله:
اعذريني فطوم انا حبيب اميرة بندر ظني انها كلمتك عني هي دوم تكلمني عنك اذا صحيتي كلميني ضروري

فطوم قفلت على نفسها الباب ذاك اليوم ولا قامت لاي طارق على بابها ، محاولات الجميع بانها تفتح مافادت دقت عليها ريوم وزينب حقرتهم مالها خلق اي شي تحس انها محتاجه الى اميرة بقوه تبيها ..... تبيها بكل جوارحها محتاجتها

دقت بدون وعي على اخر رقم

فطوم : الو

بندر: اهلا ، السلام عليكم

فطوم تنهدت وجاوبت : وعليكم السلام

بندر: كيف من امس

فطوم : كلمني عنها اذا تبي تعرف حالي ، قولي وش صار وش كانت تقول قولي اي شي منها او عنها

بندر: لاتعورين قلبي

فطوم : بليييز

بندر: وربي مااقدر .. انا قلبي يفداها الغاليه بس وين راحت

فطوم : لاتقول راحت

بندر : ...............

فطوم : تكلم

بندر : كلامي صمت

فطوم : ليش ؟؟؟

بندر: لاني احبهاا

فطوم : هي كانت دوم تقول انها مجنونتك كانت دايما تقول انك غير الدنيا كلها

بندر: وكانت دايما تقول انك افضل صديقه بحياتها وان عمرها ماشافت مثلك

فطوم : كانت مستعده تتحدى العالم عشانك

بندر: وهي كانت دنيتي كلها والله

سكتوا الاثنين كل منهم بقلبه جرح كبير لفراقها ،، وعلى هذا المنوال ظلوا اسبوع كل ماتشتاق فطوم لاميرة تدق عليه وكل مايشتاق هو لفطوم يدق بغرض انه مشتاق لاميره


فطوم : ادري اذيتك وازعجتك وحملتك هم فوق همك

بندر: انتي ريحتها لازم تكوني دوا الي

فطوم : انت يمكن الي داويتني ماحد اقدر اكلمه عنها

بندر : ماعندك صديقات

فطوم : عندي لكن ....

بندر : لكن ايش !؟

فطوم : انت تعرف كيف مجتمعنا لاتنسى ان مذاهبنا غير وعلاقتي ويا اميرة ماحد يتقبلها

بندر: اكيد لان احنا هنا

فطوم : اي والله هههههههههههههه

بندر : انتي بعمرها

فطوم : تقريبا انا اكبر منها بسنه

بندر : سبحان من خلق ووفق

فطوم : انت اكبر منها بواجد هههههههههه كنت دوم اسميك العجوز اذا ابيها تنقهر

بندر : لا انا مو عجوز

فطوم : عجييييييييييييز يالبدوي

بندر : وش فيهم البدو

فطوم : احسن ناس والله واشيم ناس

بندر : فديتك

فطوم :وجع عيب تأدب

بندر : ان شا الله

فطوم : انا لازم اقفل

بندر : اسف

فطوم : لا عادي

بندر : تبين شي تامرين شي

فطوم : سلامة قلبك

بندر : مع السلامه

ويتقفل الخط وتفكر فطوم وش فيها قلبها مو قلبها فجه صارت ترتاح له ، ترتاح لكلامه وطريقته العفويه والغبيه

____


اما بندر من جهه ثانيه يحس بفطوم شخصيه ثانيه شخصيه غير عن الي كان يتوقعها ، ( ياولد انت خلاص بطلت تحب انت يبيك زواج بس )

_ ياربي ليش مانا قادر اقوليها انا الي علي سويته بلغتك انا ماحبها هي مي من عالمي

( يمكن عشان كذا احس بميل اليها كل شي فيها يجذب ضحكتها النادره ، بساطتها كلامها السريع والغبي احس كلامها ماينفهم اوقات ههههههههههه ياربي عليها تهبل

بندر وهو على سريره : بس هي قطيفيه

فطوم على تتقلب وماسكه وسادتها : بس هو بدوي

.................................................. ................................... يارب تعجبكم

وي وي بقت وااااااااايد يعني مو وايد وايد هع
اكمل...؟؟؟